Oʻzbekiston Respublikasi Sanitariya-epidemiologik osoyishtalik va jamoat salomatligi qoʻmitasi Fargʻona viloyati boshqarmasi Fargʻona tuman bo‘limi mutaxassislari tomonidan Satkak MFY hududidagi aholi xonadonlarida sanitar targʻibot ishlari olib borilmoqda. Targʻibot jarayonida mutaxassislar fuqarolarga yuqumli hamda mavsumiy kasalliklarning oldini olish, shaxsiy gigiyena qoidalariga rioya etish, toza ichimlik suvidan foydalanish va oziq-ovqat mahsulotlarini toʻgʻri saqlash bo‘yicha amaliy tavsiyalar berishdi. Shuningdek, aholiga uy-joylarda tozalikni ta’minlash, chiqindilarni vaqtida chiqarish, chivin va hasharotlarga qarshi kurashish kabi gigiyenik choralarni qoʻllashning ahamiyati tushuntirildi. Mazkur tadbirlar tumanda sogʻlom turmush tarzini qaror toptirish, yuqumli kasalliklarning oldini olish va jamoat salomatligini mustahkamlashga qaratilgan.