O‘zbekiston Respublikasi Prezidentining 2025-yil 19-sentyabrdagi PF-173-son Farmoniga asosan mamlakatda aholi va qishloq xo‘jaligini ro‘yxatga olish tadbirlariga tayyorgarlik ishlari boshlangan. Shu munosabat bilan Oʻzbekiston Respublikasi AT “Xalq banki” boshqaruv raisining o‘rinbosari Ro‘ziyev Farrux Aralovich boshchiligidagi ishchi guruh Farg‘ona tumaniga tashrif buyurdi. Tashrif davomida ishchi guruh tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Otabek Abduraximov, shuningdek, tadbirni o‘tkazishga mas’ul shtab a’zolari bilan uchrashdi. Uchrashuvda ro‘yxatga olish jarayonini samarali tashkil etish, mavjud resurslardan oqilona foydalanish hamda mas’ullar o‘rtasida aniq vazifalar taqsimotini amalga oshirish masalalari muhokama qilindi.