Vodiy1.uz rasmiy axborot kanali rahbariyati hamda Farg‘ona viloyati maktabgacha va maktab ta’limi boshqarmasi boshlig‘i Sherzodjon Dolimov tashabbusi bilan tashkil etilgan “Farg‘ona viloyatida eng yaxshi faoliyat olib borayotgan tuman (shahar) maktabgacha va maktab ta’limi bo‘limi rahbarini tanlaymiz” tanlovi yakunlariga ko‘ra, Farg‘ona tumani maktabgacha va maktab ta’limi bo‘limi boshlig‘i Shovkatjon Yuldashev tanlov g‘olibi deb e’tirof etildi. Tanlov yakunlarida ta’lim sohasida olib borilayotgan keng ko‘lamli islohotlar, tizimli yondashuv, samarali boshqaruv hamda pedagogik jamoalar bilan yo‘lga qo‘yilgan samarali hamkorlik faoliyati yuqori baholandi. Ushbu omillar Farg‘ona tumanida ta’lim sifatini oshirish borasida amalga oshirilayotgan ishlarning samaradorligini yaqqol namoyon etdi. Tantanali taqdirlash marosimida Shovkatjon Yuldashev Vodiy1.uz rasmiy axborot kanali kubogi va esdalik sovg‘alari bilan taqdirlandi.