O‘zbekiston Respublikasi Prezidentining 2025-yil 19-sentabrdagi PF–173-sonli “O‘zbekiston Respublikasida aholi va qishloq xo‘jaligini ro‘yxatga olish tadbirini o‘tkazish to‘g‘risida”gi farmoni ijrosini ta’minlash maqsadida Farg‘ona tumanida navbatdagi o‘quv seminari tashkil etildi. Statistika bo‘limi tomonidan o‘tkazilgan mazkur 3-bosqich o‘quv seminarida mahalla raislari, hokim yordamchilari hamda profilaktika inspektorlari ishtirok etdilar. Seminar davomida ro‘yxatga olish jarayonining huquqiy va tashkiliy jihatlari yuzasidan tushuntirishlar berildi. Shuningdek, ishtirokchilar bilan birgalikda hududlarga chiqilib, mahallalarda aholi va qishloq xo‘jaligini xatlovdan o‘tkazish bo‘yicha amaliy mashg‘ulotlar tashkil etildi.