Farg‘ona tumani Maktabgacha va maktab ta’limi bo‘limi boshlig‘i Shavkatjon Yuldashev boshchiligida 1-sonli Hay’at yig‘ilishi bo‘lib o‘tdi. Yig‘ilishda ta’lim tizimida amalga oshirilayotgan islohotlar, 2025-yil yakunlari hamda 2026-yilga mo‘ljallangan ustuvor vazifalar muhokama qilindi. Maktabgacha va umumta’lim muassasalarida ta’lim sifati, boshqaruv samaradorligi, hujjatlar bilan ishlash tartibi, pedagog va rahbar xodimlarning mas’uliyatini oshirish masalalariga alohida e’tibor qaratildi. Shuningdek, tegishli tashkilot va jamoatchilik vakillari o‘z yo‘nalishlari bo‘yicha taklif va mulohazalarini bildirdilar. Konstruktiv ruhda o‘tgan Hay’at yig‘ilishida mavjud muammolar yuzasidan aniq vazifalar belgilab olinib, ularning ijrosini ta’minlash bo‘yicha mas’ullar ko‘rsatildi. Yig‘ilish yakunida erishilgan natijalar tahlil qilinib, kelgusida ta’lim sifati va samaradorligini yanada oshirishga qaratilgan chora-tadbirlar belgilandi.