Farg‘ona viloyat adliya boshqarmasi tizimida sog‘lom turmush tarzini targ‘ib qilish, xodimlar o‘rtasida sportni yanada ommalashtirish, ularning salomatligini mustahkamlash, sport bilan muntazam shug‘ullanishini rag‘batlantirish, shuningdek xodimlar o‘rtasida jamoaviy va do‘stona muhitni shakllantirish maqsadida boshqarmaning 2025-yil uchun belgilangan "Teambuilding" dasturi doirasida sportning mini-futbol turi bo‘yicha "Boshqarma boshlig‘i kubogi" musobaqasi o‘tkazildi. Mazkur musobaqada tuman, shahar adliya bo‘limlari vakillaridan iborat 15 ta jamoa bellashdilar. Ushbu musobaqada barcha ishtirokchilar o‘zidagi bor salohiyatni to‘liq namoyon etib, eng so‘nggi soniyalargacha sog‘lom raqobat ruhida kurash olib bordilar. Musobaqa natijalariga ko‘ra: 🥇 Farg‘ona tuman jamoasi 1-o‘rinni; 🥈 Bag‘dod tuman jamoasi 2-o‘rinni; 🥉 Oltiariq tuman jamoasi 3-o‘rinni egalladilar. G‘olib va sovrindorlar boshqarmaning medal va sovg‘alari bilan taqdirlandilar.