O‘quvchilarning kitob o‘qishlariga sharoit yaratib berish, ular o‘rtaisda kitobxonlikni keng targ‘ib qilishda maktab kutubxonachilarining o‘rni alohida. Umumta’lim maktablarida sohada faoliyat olib borayotgan eng faol, ilg‘or, bilimli kutubxonachilarni aniqlab olish va ularni munosib rag‘batlantirish maqsadida viloyat Maktabgacha va maktab ta’limi boshqarmasining 2025-yil 16-maydagi “Umumiy o‘rta ta’lim maktablari kutubxonachilari o‘rtasida “Yilning eng yaxshi maktab kutubxonachisi” tanlovining viloyat bosqichini o‘tkazish to‘g‘risida”gi 138-sonli buyrug‘i ishlab chiqildi. Mazkur buyruq asosida tanlovning shahar, tuman bosqichlarida g‘olib bo‘lgan ishtirokchilar viloyat bosqichida o‘zaro bellashdilar. Quvonarlisi Quvasoy shahar 2-maktab kutubxonachisi Orzigul Ne’matova ham faol ishtirok etib, 3-o‘rinni qo‘lga kiritdi. Bugun, viloyat hokimining davlat tilini rivojlantirish bo‘yicha masalahatchisi S.Tongotarova ishtirokida o‘tkazilgan uchrashuvda Orzigul Ne’matovaga shahar hokimligining tashakkurnomasi va esdalik sovg‘asi topshirildi.