«Dolzarb 90 kun» loyihasi doirasida Farg‘ona tumanida «Prokuror kubogi» musobaqasi tashkil etildi. Unda tumanning faol va iqtidorli yoshlar jamoalari ishtirok etib, g‘alaba uchun murosasiz bahslarda bellashdilar. Musobaqa jarayonida har bir jamoa sportga bo‘lgan qiziqishi, jamoaviy ruhi va g‘alabaga bo‘lgan intilishini namoyon etdi. Qizg‘in va sermazmun o‘yinga boy bo‘lgan bahslar tomoshabinlar tomonidan ham katta qiziqish bilan kuzatildi. Musobaqa yakunida g‘oliblikni qo‘lga kiritgan va faol ishtirok etgan jamoalar esdalik sovg‘alari, diplom hamda kuboklar bilan taqdirlandi.