Farg‘ona tumanida “Xavfsiz hudud” profilaktik tadbirlari izchil davom ettirilmoqda. Mazkur tadbir doirasida Xosilot mahallasida tuman IIB rahbarining ishtirokida muhokama yig‘ilishi tashkil etildi. Yig‘ilishda oilaviy tarbiya, ota-onalarning farzandlar tarbiyasidagi mas’uliyati hamda yoshlarning sog‘lom ma’naviy-axloqiy ruhda voyaga yetishi masalalariga alohida e’tibor qaratildi. Tadbir doirasidagi ochiq muloqotlar aholiga yaqin bo‘lish, oilalarda mavjud muammolarni barvaqt aniqlash, yoshlar o‘rtasida jinoyatchilik va huquqbuzarliklarning oldini olish hamda profilaktik ishlarni samarali tashkil etishga xizmat qilmoqda. Xulosa o‘rnida ta’kidlash joizki, “Xavfsiz hudud” profilaktik tadbirlari nafaqat hududlarda huquq-tartibotni mustahkamlash, balki jamiyatda sog‘lom ijtimoiy muhitni shakllantirishda ham muhim ahamiyat kasb etmoqda.