Fargʻona tumani hokimi Xamidullo Inomov tumanda investitsiya muhitini yanada yaxshilash va xalqaro hamkorlikni kengaytirish maqsadida Xitoy Xalq Respublikasidan tashrif buyurgan bir guruh investorlar delegatsiyasini qabul qildi. Qabul chogʻida Xitoyning yetakchi kompaniyalari — "Hubei Chunbo Construction Engineering" Co., LTD, "Hubei Jingshu New Material" Co., LTD, "SanKeSong" Co., LTD hamda "ZhongGuoNonPl" Co., LTD rahbarlari Xu Zhlyang, Zhang Yuntian, Zhenis Doszhan va Dang Zhl Shul ishtirok etdilar. Suhbat davomida tomonlar Fargʻona tumani hududida ishlab chiqarish, qurilish, turizm va axborot texnologiyalari yoʻnalishlarini rivojlantirish, shuningdek, yangi investitsiya loyihalarini amalga oshirish istiqbollari yuzasidan fikr almashdilar. Uchrashuv yakunida ikki tomonlama hamkorlikni kengaytirish, o‘zaro manfaatli loyihalarni qo‘llab-quvvatlash va investorlar uchun qulay shart-sharoitlar yaratish bo‘yicha kelishuvlarga erishildi.