Xalq deputatlari Farg‘ona tuman Kengashi deputatlari Shuxratjon Raximov va Ozodaxon Dadajonova tomonidan tumandagi ijtimoiy soha ob’ektlarining kuz-qish mavsumiga tayyorgarligi o‘rganildi. O‘rganish jarayonida Farg‘ona tumani Maktabgacha va maktab ta’limi bo‘limiga qarashli 40-sonli umumta’lim maktabida jiddiy kamchiliklar aniqlangan. “TexnoGeoStroy” MChJ tomonidan bir necha oy avval olib kelingan isitish qozonlari hali o‘rnatilmagani va foydalanishga topshirilmagani ma’lum bo‘ldi. Deputatlar bu holat kuz-qish mavsumi arafasida o‘quv jarayonining samaradorligiga salbiy ta’sir ko‘rsatishi mumkinligini ta’kidlashdi. Kamchiliklarni tezkor bartaraf etish maqsadida tuman Maktabgacha va maktab ta’limi bo‘limi boshlig‘i hamda DXSh rahbarlariga qat’iy topshiriqlar berildi.