Farg‘ona tuman hokimligining katta majlislar zalida Xalq deputatlari tuman Kengashining navbatdagi 13-sessiyasi bo‘lib o‘tdi. Sessiyani Kengash raisi, tuman hokimi Xamidullo Inomov boshqarib bordi. Kun tartibida aholini ijtimoiy himoya qilish tizimini takomillashtirish, mahalliy byudjet va iqtisodiy islohotlar, suv limitlarini tasdiqlash, onalik va bolalikni muhofaza qilish hamda yoshlar bilan ishlash tizimi ijrosi kabi masalalar muhokama qilindi. Sessiyada “2025–2026-yillar novegetatsiya davri uchun suv limitlarini tasdiqlash to‘g‘risidagi masala” ham ko‘rib chiqildi. Mazkur masala yuzasidan taklif va e’tirozlar bildirilib, qo‘shimcha ishlab chiqish uchun kun tartibidan chiqarildi. Sessiya yakunida barcha boshqa masalalar bo‘yicha tegishli qarorlar qabul qilindi va ijrosini ta’minlash bo‘yicha aniq vazifalar belgilandi.