Farg‘ona tumani Maktabgacha va maktab ta’limi bo‘limi tasarrufidagi 55-umumta’lim maktabida “Jadidlar izidan” tanlovining tuman bosqichi o‘z ishini boshladi. Tanlov ikki bosqichda o‘tkazilmoqda. Birinchi bosqich — test sinovi, unda ishtirokchilarning jadidchilik harakati, ma’rifat va tarixiy shaxslar haqidagi bilimlari sinovdan o‘tkazilmoqda. Ikkinchi bosqich — suhbat bosqichi, bu jarayonda qatnashuvchilarning fikrlash doirasi, nutq madaniyati hamda jadidlar merosiga bo‘lgan munosabati baholanadi. Tanlovning asosiy maqsadi — yosh avlodni jadidlarimizning ma’rifatparvarlik g‘oyalari ruhida tarbiyalash, ularning ilmga, tafakkurga va yurt ravnaqiga bo‘lgan qiziqishini oshirishdan iborat. Farg‘ona tumanida jadidlar izidan borayotgan yangi avlod ma’rifat yo‘lida dadil qadam tashlamoqda!