Farg‘ona tumani 24-umumiy o‘rta ta’lim maktabida kimyo fanidan fan olimpiadasining tuman bosqichi bo‘lib o‘tdi. Tadbirga viloyat maktabgacha va maktab ta’limi boshqarmasi vakili hamda tuman ta’lim bo‘limi mas’ullari ishtirok etib, olimpiadaga rasmiy start berildi. Maxsus muhrlangan qutilarda keltirilgan test varaqlari o‘quvchilar ishtirokida ochilib, ularga adolatli tartibda tarqatildi. Mazkur jarayon shaffoflik, xolislik va adolat tamoyillariga asoslangan holda tashkil etilib, uning asosiy maqsadi — o‘quvchilarning bilim darajasini baholash, eng iqtidorli yoshlarni aniqlash hamda ularni Respublika bosqichiga tayyorlashdan iboratdir.