Farg‘ona tuman hokimligida Xalq deputatlari tuman Kengashining ijtimoiy soha, yoshlar siyosati, madaniyat va sport masalalari, shuningdek korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyalarining qo‘shma yig‘ilishi bo‘lib o‘tdi. Yig‘ilishni komissiya raisi Ozodaxon Dadajonova olib bordi. Kun tartibida Prezidentimizning PQ–440, PQ–39, PQ–347, PF–80 va PQ–1 sonli qarorlarining tumandagi ijrosi, oilaviy tadbirkorlikni rivojlantirish, jamoatchilik fikri asosidagi tadbirlarni moliyalashtirish, huquqbuzarliklarning oldini olish va xavfsiz muhit yaratish, shuningdek 2026-yil uchun ish o‘rinlari me’yorlarini belgilash kabi dolzarb masalalar muhokama qilindi. Yig‘ilish davomida deputatlar o‘z taklif va tavsiyalarini bildirdilar. Muhokama qilingan barcha masalalar yuzasidan tegishli xulosalar qabul qilinib, ularni sessiya muhokamasiga kiritish taklifi bir ovozdan ma’qullandi.