Farg‘ona tumanida qishloq xo‘jaligi yerlarini o‘zboshimchalik bilan egallab olgan shaxsga nisbatan qonuniy va keskin majburiy ijro choralari qo‘llanildi. Mazkur holat yuzasidan sudning qonuniy kuchga kirgan qarori asosida tegishli ijro harakatlari amalga oshirildi. Sud qaroriga muvofiq, maxsus texnika jalb etilib, noqonuniy ravishda barpo etilgan beton inshootlar belgilangan tartibda buzib tashlandi. Qarzdorga avvaldan bir necha bor ogohlantirishlar berilgan bo‘lishiga qaramay, ular bajarilmagan. Natijada, majburiy ijro choralarini qo‘llash jarayonida amaldagi qonunchilikka asosan 1 875 000 so‘m miqdorida ijro yig‘imi undirildi hamda ijro ishlari to‘liq yakunlandi. Mazkur choralar qishloq xo‘jaligi yerlaridan qonuniy va maqsadli foydalanishni ta’minlash, yer munosabatlari sohasida huquqbuzarliklarning oldini olishga qaratilgan.