O‘zbekiston Respublikasi Prezidentining Farg‘ona tumani Xalq qabulxonasida Farg‘ona tumani hokimi o‘rinbosari Ilhomjon Toshpo‘latov tomonidan navbatdagi shaxsiy qabul tashkil etildi. Mazkur qabul fuqarolarning murojaatlarini tinglash, ularni qonun doirasida ko‘rib chiqish va amaliy yechimlar topishga qaratildi. Qabul davomida jismoniy va yuridik shaxslar tomonidan maktabgacha ta’lim tashkiloti tashkil etish, kontrakt to‘lovining bir qismini qoplash, moddiy yordam ajratish kabi masalalar yuzasidan murojaatlar bildirildi. Ayrim murojaatlar joyida ijobiy hal etildi. Qo‘shimcha o‘rganish va muayyan muddat talab etadigan murojaatlar belgilangan tartibda nazoratga olinib, ijrosini ta’minlash uchun mas’ul tashkilotlarga yo‘naltirildi.