O‘zbekiston Respublikasi Prezidentining Farg‘ona tumani Xalq qabulxonasida Farg‘ona tumani hokimi Xamidullo Inomov tomonidan navbatdagi shaxsiy qabul o‘tkazildi. Mazkur qabul fuqarolarning murojaatlarini tinglash, ularni joyida hal etish hamda mavjud muammolarga amaliy yechim topishga qaratildi. Qabulda tuman hokimining o‘rinbosarlari, tumandagi korxona va tashkilotlarning rahbar hamda mas’ul xodimlari, shuningdek, jismoniy va yuridik shaxslar ishtirok etdilar. Qabul jarayonida fuqarolar tomonidan jami 17 ta murojaat qabul qilindi. Ularning 4 tasi joyida ijobiy hal etildi, yana 4 ta murojaat yuzasidan huquqiy tushuntirishlar berildi. Qolgan 9 ta murojaat esa belgilangan tartibda nazoratga olinib, ijrosi ta’minlanishi uchun mas’ul tashkilotlarga yo‘naltirildi.