Joriy yilning 18-dekabr kuni Fargʻona tumani hokimi Xamidullo Inomov tomonidan Xalq qabulxonasi binosida oʻtkazilgan sayyor qabulda tumanning “Bahor” MFY, Oybek koʻchasida yashovchi fuqaro Muxayyoxon Xasanova tomonidan yashash xonadonida elektr taʼminoti uzilib qolganligi yuzasidan murojaat bildirildi. Mazkur murojaat tuman hokimining ko‘rsatmasi va nazorati asosida shu kunning o‘zida ijobiy hal etildi. Fuqaroning xonadonidagi elektr tarmog‘ida yuzaga kelgan qisqa tutashuv oqibatidagi nosozlik tuman Elektr taʼminoti korxonasi kuz-qish mavsumi shtabi tezkor guruhi xodimlari tomonidan bartaraf etilib, xonadonga sifatli va barqaror elektr energiyasi yetkazib berilishi taʼminlandi. Aholi murojaatlarini o‘z vaqtida ko‘rib chiqish va tezkor hal etish borasidagi ishlar izchil davom ettirilmoqda.