O‘zbekiston Savdo-sanoat palatasi Farg‘ona tuman bo‘linmasi tomonidan hududlarda faoliyat yuritayotgan tadbirkorlar bilan yakka tartibda manzilli ishlar olib borilmoqda. Ushbu tashabbus tadbirkorlarning faoliyatini qo‘llab-quvvatlash, ularga amaliy yordam ko‘rsatish hamda zamonaviy moliyaviy xizmatlardan foydalanish imkoniyatlarini kengaytirishga qaratilgan. Xususan, savdo majmualarida har bir tadbirkorning ish joyiga bevosita borilgan holda Davlat rahbarining 2025-yil 12-avgustdagi PQ–247-sonli qarorining mazmun-mohiyati tushuntirilmoqda. Shuningdek, yangi joriy etilayotgan Paynet “Holis” tizimi haqida batafsil ma’lumotlar berilib, uning afzalliklari keng yoritilmoqda. Uchrashuvlar davomida tadbirkorlarga Paynet ilovasi o‘rnatib berilmoqda, “Holis” xizmati orqali ro‘yxatdan o‘tish jarayonlarida esa amaliy yordam ko‘rsatilmoqda. Natijada tadbirkorlar yangi raqamli to‘lov tizimida to‘liq ro‘yxatdan o‘tib, undan samarali foydalanishga kirishmoqda.