Ixtisoslashtirilgan ta’lim muassasalari agentligi tizimidagi Farg‘ona tuman ixtisoslashtirilgan maktabining 10-sinf o‘quvchisi Shaxriyor No‘monjonov SAT xalqaro imtihonida 1500 ball to‘plab, yuqori natija qayd etdi hamda SAT sertifikati sohibiga aylandi. Mazkur yutuq o‘quvchining bilimga bo‘lgan intilishi, muntazam mehnati va ta’lim tizimida olib borilayotgan samarali ishlarning amaliy natijasi hisoblanadi. Farg‘ona tumani hokimligi nomidan Shaxriyor No‘monjonovning ushbu yuksak natijasi bilan samimiy tabriklab, kelgusidagi o‘qish va hayot yo‘lida yanada katta muvaffaqiyatlar tilaymiz. Ma’lumot o‘rnida ta’kidlash joizki, SAT imtihonidan 1200 balldan yuqori natija ko‘rsatgan abituriyentlar tegishli yo‘nalishlar bo‘yicha oliy ta’lim muassasalariga o‘qishga kirishda qo‘shimcha tavsiya etiladilar.