Farg‘ona tumani hokimi Xamidullo Inomov boshchiligida “Yangi asr” mahalla fuqarolar yig‘ini hududida joylashgan “Yangi O‘zbekiston massivi”dagi markazlashgan isitish tizimining kuz-qish mavsumiga tayyorgarlik holati joyiga chiqib o‘rganildi. O‘rganish jarayonida isitish tizimining texnik holati, issiqlik ta’minoti darajasi, issiq suv bilan ta’minlash masalalari hamda mavjud ko‘mir zaxiralari atroflicha tahlil qilindi. Shuningdek, aholiga uzluksiz va sifatli issiqlik yetkazib berish bo‘yicha amalga oshirilayotgan ishlar ko‘zdan kechirildi. Natijalar yuzasidan mas’ullarga aniqlangan kamchiliklarni bartaraf etish, kuz-qish mavsumida aholi uchun qulay va barqaror issiqlik ta’minotini ta’minlash bo‘yicha tegishli topshiriqlar berildi.