Farg‘ona tumanida yangi tashkil etilayotgan maxsus sanoat zonasida xorijiy investorlar ishtirokida amalga oshirilishi rejalashtirilayotgan istiqbolli loyiha yuzasidan muhokama bo‘lib o‘tdi. Xususan, FERMI 777 MCHJ tomonidan qiymati 4,0 million dollarlik meva-sabzavotlarni saqlash, qayta ishlash, shok usulida muzlatish hamda qadoqlashni tashkil etish loyihasi taqdim etildi. Muhokama davomida mazkur loyihaning hudud qishloq xo‘jaligi mahsulotlarini chuqur qayta ishlash, eksport salohiyatini oshirish hamda yangi ish o‘rinlari yaratishdagi ahamiyati alohida ta’kidlandi. Loyiha doirasida zamonaviy texnologiyalarni joriy etish orqali mahsulotlar sifatini oshirish va saqlash muddatini uzaytirish rejalashtirilgan. Muhokama yakunida loyihani amalga oshirish uchun maxsus sanoat zonasidan tegishli yer maydoni ajratib berildi.