Xalq deputatlari Fargʻona tumani Kengashining “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi”ning navbatdagi yig‘ilishi bo‘lib o‘tdi. Yig‘ilishda Prezident qarorlari ijrosi, tumanning ijtimoiy-iqtisodiy rivojlanishi, 2026-yil mahalliy byudjeti, byudjet mablag‘laridan samarali foydalanish hamda “Ayollar daftari” doirasida xotin-qizlar bilan manzilli ishlash masalalari muhokama qilindi. Shuningdek, tumandagi ayrim geografik ob’ektlar nomlarini milliy me’yorlar asosida davlat reestriga kiritish yuzasidan qarorlar qabul qilindi. Yig‘ilish yakunida muhokama qilingan barcha masalalar bo‘yicha tegishli qarorlar qabul qilinib, ijrosi qat’iy nazoratga olindi.