Farg‘ona tumani “Avval” mahalla fuqarolar yig‘ini hududida joylashgan 23-sonli hamda “O‘rta qishloq” mahalla fuqarolar yig‘ini hududidagi 25-sonli davlat maktabgacha ta’lim tashkilotlarida olib borilayotgan ishlar joyiga chiqib o‘rganildi. Tashrif davomida mazkur muassasalardagi mavjud binolarni ta’mirlash holati, “Tashabbusli byudjet” asosida qurilayotgan yangi binolarning qurilish jarayoni va sifat ko‘rsatkichlari nazorat qilindi. Shuningdek, ta’lim muassasalarining kuz-qish mavsumiga tayyorgarligi, isitish tizimlarining holati hamda ko‘mir zaxiralari bilan ta’minlanganlik darajasi atroflicha o‘rganildi. O‘rganish jarayonida aniqlangan masalalar yuzasidan tegishli tavsiyalar berilib, mas’ullarga kamchiliklarni bartaraf etish va ta’lim muassasalarida tarbiyalanayotgan bolalar uchun xavfsiz hamda qulay sharoitlarni yaratish bo‘yicha topshiriqlar belgilandi.