O‘zbekiston Respublikasi Prezidentining Farg‘ona tumani Xalq qabulxonasida Farg‘ona tumani hokimi Xamidullo Inomov, Farg‘ona viloyati hokimligi Murojaatlar bo‘limi boshlig‘i Ma'rifatxon Axunjanova hamda tuman Ichki ishlar bo‘limi boshlig‘i Murodjon Qunduzov tomonidan navbatdagi shaxsiy qabullar o‘tkazildi. Mazkur qabullar fuqarolarning murojaatlarini bevosita tinglash, ularni joyida hal etish hamda mavjud muammolarga amaliy yechim topishga qaratildi. Qabullarda tuman hokimining o‘rinbosarlari, tumandagi korxona va tashkilotlarning rahbar hamda mas’ul xodimlari, shuningdek, jismoniy va yuridik shaxslar ishtirok etdilar. Qabul jarayonida fuqarolar tomonidan jami 18 ta murojaat qabul qilindi. Ularning 4 tasi joyida ijobiy hal etildi, yana 4 ta murojaat yuzasidan huquqiy tushuntirishlar berildi. Qolgan 10 ta murojaat belgilangan tartibda nazoratga olinib, ijrosini ta’minlash uchun mas’ul tashkilotlarga yo‘naltirildi.