Farg‘ona tumani hokimi Xamidullo Inomov hamda tuman prokurori Oybek Toshpo‘latov tomonidan energiya tejamkorligini ta’minlash masalalariga bag‘ishlangan yig‘ilish o‘tkazildi. Yig‘ilishda tuman hokimi o‘rinbosarlari, tumandagi mas’ul korxona, tashkilot va muassasalar rahbarlari hamda mas’ul xodimlar ishtirok etdilar. Unda energiya resurslaridan oqilona foydalanish, mavjud imkoniyatlarni samarali ishga solish, tejamkorlikni kuchaytirish va nazorat mexanizmlarini mustahkamlash masalalari muhokama qilindi. Yig‘ilish yakunida mas’ullarga energiya tejamkorligini oshirish bo‘yicha aniq vazifalar belgilab berilib, ushbu yo‘nalishda tizimli ishlarni kuchaytirish zarurligi ta’kidlandi.