Farg‘ona tumani Maktabgacha va maktab ta’limi bo‘limi tasarrufidagi umumta’lim maktablarida uyda yakka tartibda ta’lim olayotgan o‘quvchilarga Yangi yil munosabati bilan Prezident sovg‘alari yetkazildi. Mazkur ezgu tashabbus bolajonlarni bayram bilan quvontirish, ularni e’tiborsiz qoldirmaslik hamda yangi yilga ko‘tarinki kayfiyat bilan kirib borishlariga xizmat qildi. O‘quvchilarning yuzidagi samimiy tabassum, ko‘zlaridagi quvonch va hayajon ushbu tashabbusning nechog‘li ahamiyatli ekanini yana bir bor namoyon etdi. Yangi yil sovg‘alari bolajonlar qalbiga yangi umid, ishonch va xursandchilik bag‘ishlab, ularni kelgusi yilda yanada faol va intiluvchan bo‘lishga ruhlantirdi.