Yangi yil bayrami munosabati bilan Fargʻona tumani hokimi Xamidullo Inomov boshchiligida hokim oʻrinbosarlari, “Nuroniy” jamgʻarmasi tuman boʻlimi mutassadilari tomonidan bir guruh tumandosh urush qatnashchilari hamda xalq taʼlimi, sogʻliqni saqlash, madaniyat, ichki ishlar va qishloq xoʻjaligi sohalarida faoliyat yuritgan mehnat faxriylarining xonadonlariga tashrif buyurdilar. Tashrif davomida viloyat hokimi Xayrullo Bozarov va viloyat “Nuroniy” jamgʻarmasi raisi Zokirjon Rahmonovlarning “Yangi yil tabrigi” yetkazilib, tuman hokimligi tomonidan tayyorlangan bayram sovg‘alari tantanali ravishda topshirildi. Faxriy nuroniylar ko‘rsatilgan eʼtibor va eʼtirof uchun Yurtboshimizga, viloyat va tuman rahbariyatiga o‘z minnatdorchiliklarini izhor qilib, duoga qoʻl ochdilar. Mazkur tadbir nafaqat faxriylarimizga ehtirom ko‘rsatish, balki ular uchun bayramona kayfiyat yaratishga qaratilgan bo‘lib, bu kabi xayrli ishlar tumanimizda davom ettirilishi ko‘zda tutilgan.