Farg‘ona tumanining «Bo‘ston» mahalla fuqarolar yig‘ini tomonidan bildirilgan elektr ta‘minoti bilan bog‘liq yo‘llangan murojaatlar mutaxassislar tomonidan diqqat bilan ko‘rib chiqilmoqda. Mazkur murojaatlar asosida aholi ehtiyojlarini qondirish va elektr ta‘minotining uzluksizligini ta‘minlash maqsadida tadbirlar amalga oshirilmoqda. Hozirgi bosqichda «Bo‘ston» mahallasida yangi elektr uzatish tarmog‘i uchun zarur bo‘lgan temir-beton tayanchlari hamda butlovchi qismlarni o‘rnatish ishlari olib borilmoqda. Ushbu texnik chora-tadbirlar elektr energiyasining barqaror uzatishini ta‘minlash va mavjud tarmoqlarda yuzaga kelayotgan texnologik yo‘qotishlarni kamaytirishga qaratilgan. Mahalla fuqarolar yig‘inidan kelib tushgan murojaatlar ijobiy hal etilish jarayoni, hududdagi infratuzilmani modernizasiya qilish va elektr ta‘minotining sifatini oshirish borasida keng qamrovli faoliyat olib borilayotganining yana bir dalilidir.