Farg‘ona tumani ichki ishlar bo‘limi Probatsiya bo‘linmasi tomonidan hisobda turgan nazorat ostidagi shaxslar bilan profilaktik uchrashuv tashkil etildi. Tadbirda tuman IIB boshlig‘i, podpolkovnik Murodjon Qunduzov ishtirok etdi. Uchrashuv davomida tuman hududidagi kriminogen vaziyatni barqarorlashtirish, probatsiya hisobida turgan shaxslarning oilaviy ahvolini o‘rganish, ular tomonidan takroriy jinoyat sodir etilishining oldini olish, shuningdek, fuqarolarning ijtimoiy hayotga moslashuvini ta’minlash masalalari atroflicha muhokama qilindi. Tadbir yakunida nazoratdagi shaxslarga amaldagi qonunlarga rioya etish, jamiyatda munosib o‘rin egallash va sog‘lom turmush tarzini shakllantirish bo‘yicha amaliy tavsiyalar berildi.