Farg‘ona tumani “Inson” ijtimoiy xizmatlari markazi psixologlari tomonidan Mindonobod mahalla fuqarolar yig‘ini hududida boquvchisini yo‘qotgan va kam ta’minlangan oilalar a’zolaridan iborat olti nafar fuqaro ishtirokida psixologik trening mashg‘ulotlari o‘tkazildi. Treningning asosiy maqsadi — ota-onalar va farzandlar o‘rtasida samarali muloqot ko‘nikmalarini shakllantirish, oilada sog‘lom psixologik muhitni mustahkamlash hamda psixologik xizmatning ahamiyati to‘g‘risida keng tushuntirish ishlarini olib borishdan iborat bo‘ldi. Mashg‘ulot davomida ishtirokchilar o‘zaro tajriba almashish, farzand tarbiyasida uchraydigan muammolarni muhokama qilish va ularni hal etishning amaliy usullarini o‘rganish imkoniyatiga ega bo‘ldilar. Trening yakunida har bir fuqaro farzand tarbiyasida muloqot va psixologik yondashuvning o‘rni bo‘yicha muhim bilim va ko‘nikmalarni egalladi.