Mamlakatimizda Prezident tashabbusi bilan 2025-yil 15-oktyabrdan boshlab respublika miqyosida “Tozalik va ozodalik oyligi” o‘tkazib kelinmoqda. Mazkur tashabbus doirasida tumanimizda aholi turmush sharoitini yaxshilash, atrof-muhitni muhofaza qilish hamda sog‘lom ekologik muhitni shakllantirish yo‘nalishida qator amaliy ishlar olib borilmoqda. Shu munosabat bilan Farg‘ona tumani Ekologiya bo‘limi tomonidan “Yangi asr” mahalla fuqarolar yig‘ini hududida tozalik va sanitariya holatini yaxshilashga qaratilgan tadbirlar izchil davom ettirilmoqda. Tadbirlar doirasida obodlashtirish va ko‘kalamzorlashtirish ishlari tashkil etilib, chiqindilarni yig‘ish, tashish va hududlarni sanitariya talablariga mos holatda saqlash bo‘yicha chora-tadbirlar amalga oshirilmoqda. Chiqindilar to‘planib qolgan joylar aniqlanib, tezkor tozalash ishlari yo‘lga qo‘yilgan. Shuningdek, aholi hamda o‘quvchi-yoshlar o‘rtasida tozalikni saqlash madaniyatini oshirish, ekologik ongni yuksaltirish maqsadida tushuntirish va profilaktik suhbatlar o‘tkazilmoqda.