Farg‘ona tumani “Oqbilol” mahalla fuqarolari yig‘inida “Huquqiy mahalla” loyihasi izchil amalga oshirilmoqda. Mazkur loyiha doirasidagi tadbirlar tuman adliya bo‘limi tomonidan mahalla yettiligi bilan hamkorlikda tashkil etilmoqda. Tadbirlar davomida mahallada joylashgan xonadonlarga uyma-uy yurish shaklida kirilib, aholining huquqiy muammolari, hal etilmay qolayotgan masalalari o‘rganilmoqda. Aniqlangan murojaatlar maxsus platformaga kiritilib, ularning qonuniy yechimini topish choralari ko‘rilmoqda. Shuningdek, tadbir davomida O‘RQ-937-son Qonun, PF-80-son Farmon, PQ-1-sonli Qaror hamda VMQ-204-son Qarorlarning mazmun-mohiyati bo‘yicha aholiga batafsil tushuntirishlar berildi. Fuqarolarga “Mening mahallamda jinoyat sodir bo‘lmaydi” shiori ostida huquqbuzarlik va jinoyatchilikning oldini olish yuzasidan ma’lumotlar yetkazildi. Tadbir yakunida ishtirokchilarni qiziqtirgan huquqiy savollarga mutaxassislar tomonidan amaliy javoblar berildi.